عشق کیا ہے عشق اپنا تعارف اینہاں لفظاں ایں کرویئندا ہے کہ سائیں عشرت حسین لغاری نے اہنے لفظاں دے موتیاں ایں لکھی ہے
سائیں عشرت خان لغاری صاحب دے دا لکھی ہوئی ہک غزل عشق دے بارے
میں عشق ہاں ازل کنوں ازل دی ابتداء ہمی.
اے قدر دان جانڑدن میں کون ہاں تے کیا ہمی.
میں درد دل دی تار ہاں، میں حسن دا وقار ہاں.
میں اہل دل دے نال ہاں،میں آر ہاں میں پار ہاں.
قضا دے نال کھیڈ داں، قضا دا شہسوار ہاں.
میں آپ اپنڑی مرضیاں دا، آپ مختار ہاں.
کڈاھیں آپ تار تے چڑھ کے جھوٹدا ہمی
اے قدر دان جانڑ دن میں کون ہاں تے کیا ہمی
میں عشق ہاں ازل کنوں ازل دی ابتداء ہمی
میں انبیاء دے نال نال، اولیاء دے نال نال
ہر امیر تے غریب ،شاہ گدا دے نال نال
میں اختتام جانڑداں میں ابتداء دے نال نال
خدا دی قسم ہے میکوں میں ہاں خدا دے نال نال
کڈاھیں مصطفیٰ ہمی کڈاھیں مرتضی ہمی
اے قدر دان جانڑدن میں کون ہاں تے کیا ہمی
میں عشق ہاں ازل کنوں ازل دی ابتداء ہمی
میڈے سفر دی سدھ نہیں کہیں دے خیال خواب وچ
میں ہر چمک دمک دے وچ، میں چندر آفتاب وچ
ضعیف کر ڈینداں مگر میں رہنداں خود شباب وچ
عقل دا کوئی دخل نہیں میڈے کئیں حساب وچ
میں حسن دی بقاء ہمی میں لطف کبریاء ہمی
اے قدر دان جانڑدن میں کون ہاں تے کیا ہمی
میں عشق ہاں ازل کنوں ازل دی ابتداء ہمی
میں بحر، بر تے تھل جبل سمندریں دی ٹیک ہاں
میں رمت دا سکون ہاں قلندریں دی ٹیک ہاں
میں مسجدیں دی ٹیک ہاں میں مندریں دی ٹیک ہاں
میں ہر ولی کتب تے غوث رہبریں دی ٹیک ہاں
میں چڑھ کے سانگھ دے اتے وی پڑھدا لا الہ ہمی
اے قدر دان جانڑدن میں کون ہاں تے کیا ہمی
میں عشق ہاں ازل کنوں ازل دی ابتداء ہمی
میں عبرتی محل ڈٹھن میں عشرتی محل ڈٹھن
میں زلف دے ولیں دے وچ میں ول ولی دے ول ڈٹھن
میں ناقص العقل ڈٹھن نقل ڈٹھن اصل ڈٹھن
جتھاں ڈٹھن میں اپنڑیں فیصلے اٹل ڈٹھن
میں آپ مدعی ہمی میں آپ مدعا ہمی
اے قدر دان جانڑدن میں کون ہاں تے کیا ہمی
میں عشق ہاں ازل کنوں ازل دی ابتداء ہمی
Post a Comment
please comment here we will respond you