جڈاں نفرت جواں تھیوے محبت بار لگدی اے

جڈاں نفرت جواں تھیوے محبت بار لگدی اے
حوس دے قید خانے وچ نصیحت بار لگدی اے

جڈاں وی اوُپریاں رسماں سماں ویندین سماجیں وچ
گناہ ہلکے نظردے ہن عبادت بار لگدی اے

جتھاں ہتھاں دے چھالے وی لکیراں نئ بدل سگدے
غلامی جُرم نئیں بنڑدی قیادت بار لگدی اے

جڈاں مظلوم لوکیں تے ستم منظر تے نئیں آندا
پیچھے ہر جاہ عدالت وچ شکائیت بار لگدی اے

جیندےجزبےخاموشی توں صدا ڈےکے پناہ منگدین
ایہو جیئں نوجوانیں کوں اِمامت بار لگدی اے

ایتھاں محسن سارے ہامی جاگیراں دی غلامی دے
ایتھاں تاں بے ضمیریں کوں صداقت بار لگدی اے

بلال محسن