ساڈا کچا گھر ہے تے پکا ہے خدا دا - میں وارث تیڈے ڈکھاں دا ڈکھ نال رلا میں خوش تھیساں

"ساڈا کچا گھر ہے تے پکا ہے خدا دا"

گھر دیں سفیلیں اتے سوہنڑیں سوہنڑیں تھاں ہِن۔

چِڑیاں ہِن شتیریں اتے ٹالھی اتے کاں ہِن۔

رنگیں بھریا شور ہوندے پکھیں دے الا دا۔

ساڈا کچا گھر ہے تے پکا ہے خدا دا

گھر دیں دیواریں اتے پولا ڈیندی ماء ہے

ستر سنویں سانجھی بھلے ماء وی خدا ہے

انویں ساڈا گھر وی ہے اللہ سئیں دے ڈا دا۔

ساڈا کچا گھر ہے تے پکا ہے خدا دا

گھر دے چولھانڑیں لاتھا مانجھا گاوا گھیوء ہے

اللہ سئیں دے پیار والا روپ ساڈا پیوء ہے

ایندا کھلا سینہ جیویں عرش اے الہ دا

ساڈا کچا گھر ہے تے پکا ہے خدا دا

گھر دی چوکاٹھ اتے گھر ہے گھرینڑ دا

جیویں گھر میڈا انویں گھر میڈی بھینڑ دا

ڈھیر سارا مانڑ ہوندے بھینڑیں کوں بھرا دا

ساڈا کچا گھر ہے تے پکا ہے خدا دا

اصغر گورمانی سئیں 🌿💞

میں وارث تیڈے ڈکھاں دا ڈکھ نال رلا میں خوش تھیساں

نئی مگدا میں تیڈا پیار میلے ایوے رول ودا میں خوش تھیساں

تیڈا درد ہووے میڈے سینے وچ میلے کوئی نہ دوا میں خوش تھیساں

ہووے زکر تیڈا میڈے لب "ناصر"میڈا نکلے ساہ میں خوش تھیساں